2024-чу шеран гIуран беттан 17-чу дийнахь, Кадыров А. А. цIарах йолчу Керла-Бенарчу йуккъерчу ишколехь, нохчийн меттан а, литературин а хьехархочо Байхажиев Хьасайна 9-чу классехь дIайаьхьира, «Сцени тIехь урок» региональни методически проект кхочушйарна лерина йолу, «Хуттург а, хуттурган дешнаш а» цIе йолу нохчийн меттан урок.ХьошалгIахь бара Нохчийн меттан институтан дешаран-методикин центран куьйгалхо Абдуразаков ИбрахIиман Шертбек а, Гуьмсан кIоштан дешаран урхаллин методически кхачойаран декъан белхалой Салманиева Султанан Индира а, ткъа иштта Гуьмсан кIоштан нохчийн меттан а, литературин а хьехархой а.Шен къамелехь, урокан мах хадош, Абдуразаков ИбрахIиман Шертбека билгалдаьккхира керлачу ФПДС-н лехамашца урок йогIуш хилар а, урокехь кхочушдан лерина жамIаш, кхачам боллуш, кхочушхилла хилар а. Цхьаьнакхетар дерзира, хьехархочунний, дешархошний «Сцени тIехь урок» региональни методически проектехь дакъалацаран тоьшаллин  сертификаташ даларца.